Разбојник нападнал жена во Штип - веднаш пренесена во болница

На 16.02.2018 година околу 11:45 часот, во влез од зграда на улица „Партизанска“ во Штип, непознато лице со употреба на физичка сила и ја одзел чантата на 78-годишната М.Д. од село Таринци, штипско во која имало околу 10.400 денари, паричник и лични документи.

Од физичкиот напад оштетената паднала и од падот се здобила со тешки телесни повреди констатирани во Клиничка болница Штип. По преземени мерки и активности констатирано е дека разбојништвото е извршено од 34-годишниот Џ.С. од село Таринци, штипско.

По целосно документирање на настанот против осомничениот Џ.С. ќе биде поднесена кривична пријава поради постоење основи на сомнение за сторено кривично дело „разбојништво“.