Развојот на технологијата во голема мера ги заменува книгите

Развојот на технологијата и се почестото користење на интернетот, за исполнување на слободното време во голема мера ги заменија книгите но сепак охриѓани се љубители на пишаниот збор и редовно читаат книги. Најстариот читател во градската библиотека е 97 годишен охриѓанец.

Со создавање на соодветени услови се зголемува и интересот за читање на книги.

Иако живееме во време кога технологијата овозможува пристап до сè и сешто, па дури и до виртуелни пријателства, сепак книгите на еден начин претставуваат духовна храна за човекот. Со нивното читање, не само што се збогатува вокабуларот кај поединците, туку се овозможува и културно обогатување.