Реакција на Град Скопје на изјавата на Стоилковски: Универзална сала работи со настани и без објект во употреба
Град Скопје реагира на лагите и манипулациите изнесени на денешната прес-конференција на Вмро-Дпмне во врска со Универзална сала.
Сакаме да нагласиме дека Универзална сала е запуштена и затворена во времето на претходно градско раководство и со тоа голем број значајни културни настани останаа без дом. Иако нова Универзална сала беше дел од програмата на претходното градско раководство, тоа не се случи, и за жал овој култен културен објект остана нефункционален и во распаѓање.
Градоначалникот Шилегов и во услови на пандемија со поддршка од Владата успеа да обезбеди финансиски средства за целосна реконструкција на Универзална сала и во тек е обнова на овој симбол на Скопје.
Наместо да се стави клуч поради затворениот објект, Универзална сала денеска функционира во полн капацитет како никогаш досега, вработените се задржани и оваа институција активно учествува во унапредување и збогатување на културниот живот во Скопје, како и во организација на голем број културни настани, а некој од нив како „Фестивалот на светлината“ е единствен во регионот.
Покрај омилениот на скопјани „Фестивал на светлината“, Универзална сала континуирано е организатор на манифестацијата „Бела ноќ“ и „Фестивалот на акустична музика“, кои изминативе години станаа регионални културни атракции, а беше и дел од организацијата на проектот „Култура во време на корона“.
Споменатата опрема во услови на затворен објект, е неопходен дел во тековното функционирање на „Универзална сала“ во услови кога голем дел од културните настани треба да се организираат надвор од објектот, а истата и се изнајмува за други настани на отворено.
Лицемерно е да се говори за Универзална сала со оглед на нејзиното преименување од претходното градско раководство во Конгресен центар Александар Македонски и обидот да се избрише од колективната меморија на скопјани оставајќи во распад.
Град Скопје
Ново на Сител
-
Да не беше Киан ќе се изгубев себеси | Антониа Гиговска | ПРОфесија | Sitel Podcast 037
-
Грчките медиуми за изјавата на Мицкоски: Нова провокација од Северна Македонија
-
Зеленски: На Украина и се потребни системи „Патриот“ за заштитата на Харков
-
Коалицијата „Европски фронт“ поднесе седум тужби против решенија на ДИК на Парламентарните избори 2024
-
Град Скопје: Дезинсекцијата во Скопје се реализира согласно можноста и временските услови
-
Коалицијата „Вреди“ ја повлече тужбата по одлуката на ДИК за ИМ 0511
-
Две лица тешко ранети, а уште четири полесно во напад со нож во Швајцарија
-
Словачка не воведува вонредна состојба поради атентатот врз премиерот