ОН: Речиси 10.000 деца во светот умираат месечно од глад поради Ковид-19
Речиси 10.000 деца умираат месечно од глад поради пандемијата со Ковид-19. Тоа се должи на ограничувањата наметнати како мерки против ширење на коронавирусот, соопштија од ОН.
Повеќе од 550.000 деца се неухранети секој месец. Четири агенции на ОН предупредуваат дека блокадите доведуваат до катастрофа.
Светската здравствена организација, УНИЦЕФ, Светската програма за храна и Организацијата за храна и земјоделство веднаш побараа најмалку 2,4 милијарди американски долари за решавање на глобалниот глад. Проблемот не е само недостаток на средства за преживување, туку и доставувањето хуманитарна помош, велат експертите.
Ситуацијата е особено загрижувачка во држави како Авганистан, Јемен или Судан, кои се потресени од воените конфликти со години.
Околу девет отсто од луѓето во светот гладуваат, а пандемијата на коронавирус ќе го зголеми гладот оваа година, се вели во извештајот на ОН од овој месец.
До 2030 година, повеќе од 890 милиони луѓе би можеле да бидат погодени од глад, или 8,9 отсто од светската популација. Минатогодишниот извештај проценува дека 820 милиони луѓе гладуваат, но бројките беа ревидирани по промената на статистиката на Кина од претходните години.
Ново на Сител
-
Двојно убиство во Стајковци - си ги убил братот и снаата
-
Специјализантите и натаму бараат плата
-
Тема на денот со Илина Мангова, ИРИ
-
Двојно убиство во Стајковци
-
ДИК прифати 7 приговори, прегласување на 22 мај
-
Работните групи за владина коалиција на ВМРО-ДПМНЕ и Вреди стартуваат со работа
-
Нови реакции за говорот на Силјановска од европските земји и Грција
-
Анкета на ИРИ: Македонците сакаат во ЕУ, но не веруваат дека Унијата ќе ги отвори вратите