Редици во Грција за тестирање за Ковид-19
Огромни редици веќе трет ден има пред болниците и здравствените центри во повеќе делови на Грција, од граѓани кои чекаат да се тестираат за Ковид-19, јави дописничката на МИА од Атина.
Дел од граѓаните се со симптоми или веќе имаат позитивен резултат од селф тестот, односно тестот за домашна употреба и чекаат да се тестираат со рапид или ПЦР, додека пак други сакаат да се проверат бидејќи имале контакт со потврден случај.
Редици освен во Атина, има и во Солун, но и во други градови, а граѓаните, ја користат можноста за бесплатно тестирање, не само во државните болници, туку и на местата каде што се мобилните единици на Националната организација за јавно здравје на Грција, кои тестираат со брзи тестови.
Тестирања се вршат и во аптеките, каде што цената на рапид тестот е најмногу десет евра, додека пак во приватните дијагностички центри, ПЦР тестот е 60 евра.
Алтернативната министерка за здравство на Грција Мина Гага, објасни дека за добивање потврда за прележан Ковид-19 вакцинираните не мора да се тестираат и со ПЦР, туку доволен е позитивен резултат на рапид тест.
Од минатата седмица, во Грција има драстично зголемување на новозаразените и брзо ширење на вирусот со над 170.000 нови случаи за само шест дена.
Вчера, беа регистрирани 17.633 заразени од 78.679 тестови, односно стапката на позитивност е околу 22 отсто.
За време на празниците, Грците добија по два бесплатни селф тестови за самите да се тестираат во домашни услови за дополнително да се спречи ширењето на вирусот.
Популарно од Балкан
Ново на Сител
-
Трамп предложи Ормуската Теснина да биде преименувана во „Теснина Трамп“
-
ЕУ ѝ се заканува на Русија со нови санкции по нападот со дрон на аеродромот во Лајпциг
-
Путин: Одлуката на Германија во врска со дронот во Лајпциг е уште една голема грешка на Берлин
-
Мицкоски бара Бугарија да го екстрадира бегалецот Симеон Михаилов, татко на Ива Михаилова
-
Вооружена пресметка на тајните служби во Киев: Пукале едни на други, има ранети
-
Македонската химна одекна во Таранто – Белистојановски го донесе првото злато за Македонија
-
Тетово: Му побарале да плати за медицинска услуга во болница, па искршил шалтер и нападнал полицаец
-
Анкета: Европејците најмногу ги мачат здравствените и финансиските проблеми
