Регионална конференција и свечена академија по повод Денот на правосудството

„Зајакнување на квалитетот на правдата во светло на правосудната реформа“ е тема на регионалната конференција, што денеска и утре ќе се одржува во Скопје по повод Денот на правосудството.

На отворањето на конференцијата ќе се обратат судијата на Врховниот суд на РМ и претседател на Здружението на судиите, Џемали Саити, заменик-министерот за правда Оливер Ристовски и на раководителот на Отсек за владеење на правото, Оддел човекова димензија, Мисија на ОБСЕ во Скопје, Алфредо Стриполи.

На тема „Независноста и транспарентноста на судството како гарант за квалитетна правда“ пред учесниците ќе говорат претседателот на Кривичниот суд Иван Џолев и претставниците на здруженијата на судии од земјите од Југоисточна Европа.

По повод Денот на правосудството, утре ќе биде одржана и свечена академија, на која најавено е обраќање на премиерот Зоран Заев, шефица на Мисијата на ОБСЕ во Скопје, Нина Суомалаинен и на амбадсадорот на САД, Џес Бејли.

Конференцијата е организирана од Здружението на судиите со поддршка на Мисијата на ОБСЕ во Скопје.