Рекорден број на новозаразени со Ковид-19 во Албанија
Нов негативен рекорд e забележан во Албанија во последното деноноќие, кога станува збор за новозаразени со Ковид-19.
Според Министерството за здравство и социјална заштита, во изминатите 24 часа регистрирани се 120 новозаразени со коронавирус, што е највисока бројка до сега од 9 март, кога беа регистрирани првите два случаи, татко и син, по нивното враќање од Италија.
И понатаму главно жариште на болеста е Тирана, од каде се 57 од новозаразените, а ново жариште повторно станува Драч, каде има 15 новозаразени.
Во исто време починале четворица, додека оздравеле девет пациенти.
Со последните 510, до сега направени се 41.709 тестови, позитивен резултат е добиен кај 5.396 лица, битката со опасниот вирус ја добиле 2.961, починале 161, додека активни на болеста се 2.274. Од нив во Инфективната клиника и болницата Ковид2 се лекуваат 119 од кои 24 се во тешка здравствена состојба.
Ново на Сител
-
Тема на денот со Џевдет Хајредини
-
Таравари: ВРЕДИ во Владата ќе има 6 министерства и претседател на Собрание
-
Силјановска со културна дипломатија ги затоплува односите во Бугарија
-
Преспанскиот договор - Секојдневна тема во Атина
-
Детектор анкета: Секој трет размислува да се исели од Македонија
-
Уставен Суд ќе бира нов претседател, Кацарска без право на реизбор
-
Поројниот дожд направи штети, ЦУК апелира на внимателност
-
Недостигаат најмалку двајца инспектори за контрола во водниот сообраќај