Рекорден број на новозаразени со Ковид-19 во Бугарија
Во Бугарија има 4979 новозаразени со Ковид-19, според податоците во Националниот информативен систем. Како што пренесува дописникот на МИА од Софија, ова претставува 18,6 отсто од направените тестови.
Случаите се 3979 повеќе отколку во понеделникот. Досега се потврдени вкупно 545.598 случаи на коронавирус во Бугарија, од кои 63.241 се активни. Во последните 24 часа оздравеле 2009 лица, додека таа бројка од почетокот на пандемијата изнесува 459.869 лица.
Бројот на нови пациенти во болниците е многу висок – 1251, при што 89,21 отсто од нив не се вакцинирани. Важен детал е дека 84,23 проценти од позитивните примероци за тој ден не се вакцинирани. Рекорден е и бројот на починати во последното деноноќие – 214, при што 94,39 отсто биле невакцинирани против Ковид-19.
Вкупниот број на смртни случаи во Бугарија од Ковид сега изнесува 22.488. Вкупниот број на пациенти со докажана инфекција со коронавирус во болниците е 6.258, од кои 537 се на одделенија за интензивна нега.
Од почетокот на пандемијата се направени 5.114.963 тестови, а за последните 24 часа 26.780.
Во Бугарија досега се дадени вкупно 2.634.699 дози вакцини против Ковид-19.
Министерот за здравство на Бугарија Стојчо Кацаров размислува за воведување дополнителни рестриктивни мерки, од кои едната е воведување на „зелен сертификат“ за имунизираните лица, кои ќе можат да посетуваат ресторани и кафулиња. Истата мерка најверојатно ќе биде воведена за лекарите, медицинските сестри, социјалните работници и наставниците, но не и за учениците.
Ново на Сител
-
Мајмунски сипаници во Косово - Мали се шансите за пренес во Македонија
-
Тема на денот со Злате Мехмедовиќ
-
Тошковски изненаден што нема притвор за екс директорот на ЕСМ
-
Мицкоски: Обвинителството да открие зошто сум бил следен
-
СДСМ бара оставка од членката на антикорупциска Данка Ристовска поради судир на интереси
-
Тошковски: Не е утврдена вина кај полицаецот од Куманово кој го симна албанското знаме
-
Што сработе МВР во 2024
-
На вонредна седница на Влада ќе ги замрзнеме цените ако има нагло поскапување, рече Дурмиши