-->
-->
Реми во Милано
-->
Одлично прво и бледо второ полувреме на „Сан Сиро“ вечерва одиграа најдобрите два тима по рестартот на сезоната во италијанската Серија А. На крајот го поделија пленот, 1-1.
Милан поведе со 1-0 во 14 минута, со прекрасниот гол од слободен удар на Чалханоглу, одлево директно во аголот.
Гостите од Бергамо притиснаа во продолжение, упатија повеќе удари кон голот на Донарума, а во 26 минута поради прекршок, по асистенција на ВАР, судијата покажа на белата точка. Малиновски биеше лево долу, но Донарума ја сочува мрежата.
Сепак, по 8 минути од пеналот, на семафорот стоеше 1-1. Запата беше најснаодлив во шеснаесетникот по една одбиена топка и биеше под голманот на „Росонерите“.
Во вториот дел двата тима беа без идеја, Милан само еднаш шутна кон голот на противникот кој немаше ниту еден обид да го загрози посериозно домашниот чувар на мрежата.
На крај реални 1-1 со кои Аталанта останува на втората позиција со 75 бода, 5 помалку од лидерот Јувентус кој во недела го игра мечот од ова коло, дома против Сампдорија.
Милан со 60 бода и понатаму е шести, зад Рома која со 61 бод е на петтата позиција која води директно во ЛЕ.
-->
-->
-->
Ново на Сител
-
Силјановска Давкова не кажа „Северна“ при заклетвата во Собрание
-
Силјановска-Давкова ја презеде претседателската функција од Стево Пендаровски
-
Грчката амбасадорка Филипиду ja напушти седницата, Силјановска-Давкова во заклетвата користеше Македонија
-
Маж со автомобил прегазил жена во Чаир
-
Украдени документи и компјутери од Управата за матични книги во Прилеп
-
Струмица: „Фиат“ удрил во електричен тротинет, повредено едно лице
-
Приведен бегалец од затвор баран со потерница
-
Почина пациентот на кој за прв пат во светот му беше трансплантиран бубрег од свиња