Рестриктивните мерки го препородија животот во италијанските мориња
За време на карантинот во Средоземно Море и во другите мориња на Италија се подобри квалитетот на водата, а поединечни видови се појавија во подрачјата кои вообичаено ги заземаат бродовите и луѓето, соопшти италијанската крајбрежна стража.
Рестриктивните мерки во Италија беа во сила два месеци покажаа како влијаат човековите активности врз морето. Италијанската крајбрежна стража уште од април земаше примероци од морската вода, а направи и голем број на снимки од подводниот свет.
Надлежните органи во Рим потврдија дека е забележано значително подобрување на квалитетот на морската вода и намалување на отпадот. Китови се забележани во близина на Сицилија, додека делфини се видени на места, каде пред пандемијата беа вкотвени бродови, во пристаништата во северозападна Лигурија.
Покрај обновата на животот во морињата што ја опкружуваат Италија благодарение на карантинот, пандемијата со Ковид-19 доведе до нови опасности по морскиот живот поради фрлените маски, ракавици и бразни шишиња од дезинфекциски средства. Таквиот отпад го зголеми загадувањето на морињата со микропластика, честички што настануваат со распаѓање на пластичните производи.
Италијанските власти истакнуваат дека карантинските мерки воведени поради пандемијата им овозможија на луѓето да увидат колку е ранлива животната средина и да сфатат дека мора да ја зачуваат природата за идните генерации.
Ново на Сител
-
Ердоган против Евровизија: „На вакви настани стана невозможно да сретнеш нормален човек“
-
МВР: Амбер Алерт Европа стартува со кампања низ цела Европа со совети како да се постапи во случај на исчезнато дете
-
Тошковски: Дивиот забавен парк кај Борис Трајковски ќе биде затворен и отстранет
-
Сообраќајна несреќа кај Росоман
-
Анкета: Нова демократија со двојно поголема предност пред СИРИЗА во пресрет на европските избори
-
За прв пат во историјата Јувентус не загуби натпревар од Серија А, во кој заостануваше со три гола
-
Си Џинпинг и го честита на Сиљановска Давкова изборот за претседател
-
Денеска ќе се одржат погребни ритуали за претседателот на Иран