Рио 2016: Нов македонски рекорд на Блажевски

Македонскиот пливач Марко Блажевски постави нов македонски рекорд во дисциплината 200 метри мешано. Тој  во квалификациите на Олимписките игри во Рио исплива време – 2:02.54 минути, што е за 44 секунди подобро време од неговиот рекорд поставен пред помалку од еден месец во Гронсборо (2:02.98 минути).

Во оваа дисциплина беа пријавени 30 пливачи, а Блажевски го освои 26.место во конкуренција на 27 пливачи бидејќи тројца не се појавија на стартот.

Од македонските спортисти следен што ќе настапи на Игрите во Рио ќе биде атлетичарот Ристе Пандев во квалификациите на трката на 100 метри што ќе се одржи на 13.август.