Робот до смрт здроби работник во фабрика во Јужна Кореја, помеша човек со кутии за храна
Робот во Јужна Кореја згмечил човек до смрт, затоа што го помешал со кутиите со храна со чиј пренос управувал, јавуваат локалните медиуми, а денеска јавува Би-Би-Си (Би-Би-Си). Инцидентот се случил кога вработен во компанија за роботика, на возраст од околу 40 години, го проверувал функционирањето на роботот.
Роботската рака, која го помешала човекот со кутија зеленчук, го зграпчила и го закачила на подвижната лента, згмечувајќи му го лицето и градите, пренесува јужнокорејската новинска агенција Јонхап.
Жртвата, која работела за производител на роботски раце, била пренесена во болница, но подоцна починала.
Според Jonhap, роботот се користел за кревање кутии со пиперки и нивно пренесување на палети.
Починатиот ја проверувал исправноста на сензорите на роботот пред да ја тестира машината во фабриката за сортирање пиперки, што било закажано за 8 ноември, односно денеска, соопшти полицијата, а пренесува Јонхап.
Тестот првично беше закажан за 6 ноември, но беше одложен за два дена поради проблеми со сензорот на роботот.
Работникот го направил тестирањето доцна во ноќта.
Во март годинава, маж од Јужна Кореја беше тешко повреден од робот во фабрика за автоделови.
Ново на Сител
-
Тема на денот со Марјан Ненов од движењето Стоп извршители
-
Почина родилка во кумановската болница, новороденчето на интензивна на Детска
-
Струмица и шест села останаа без исправна вода за пиење
-
Законот за нефер трговски практики стапи на сила, поевтинување нема
-
Софија одби медијаторство на Орбан во разговорите со Скопје, различни анализи што всушност понуди унгарскиот премиер
-
ВМРО-ДПМНЕ: Државниот ревизор утврдил сомнителни набавки од Владата на СДСМ
-
Расте потребата од образовни асистенти
-
Пристап до безбеден абортус е здравствено право на секоја жена