Романот „Кукла од марципан“ од Мухарем Баздуљ објавен на македонски јазик

Романот „Кукла од марципан“ од Мухарем Баздуљ, кој годинава влезе во најтесниот избор за наградата на белградски НИН, излезе на македонски јазик. Преводот е на Ристо Лазаров, а издавач е „Везилка 2011“.

Романот е кус по обем и ја третира приказната за животот на чешката филмска дива Лида Барова (1914-2000), која била љубовница на Јосеф Гебелс.

- Создадена е атмосфера на фин разговор со читателот, разговор каков што би се водел на гости, во некој салон или напросто - во кафуле со пријателите. Баш како чоколатце од марципан што го поделуваш со пријателот пиејќи кафе, нагласува издавачот.