Русија до крајот на 2020 година ќе изврши уште три пробни лансирања на хиперсонична ракета
Руската фрегата „Адмирал Горшков“, која е дел од Северната флота, до крајот на годината ќе изврши уште три пробни лансирања на хиперсоничната ракета „Циркон“, изјавил извор од руското Министерство за одбрана.
Првото од трите планирани пробни тестирања ќе се спроведе кон крајот на октомври или почетокот на ноември, потврдил уште еден извор за руските медиуми.
Проектното биро за ракети „НПО Машиностројенија“, кое според медиумите, работело на развој на хиперсоничната ракета „Циркон“, одби да ја коментира информацијата.
Началникот на Генералштабот на руската армија, генерал Валериј Герасимов на 7 октомври на видеоконференција му рече на рускиот претседател Владимир Путин дека фрегата „Адмирал Горшков“ претходниот ден успешно тестирала хиперсонична ракета.
Ракетата тогаш била лансирана од Бело Море кон цел во Баренцовото Море, оддалечено 450 километри. Проектилот достигнал максимална височина од 28 километри. Ракетата постигнала хиперсонична брзина поголема од осум маха, или брзина осум пати поголема од брзината на звукот.
Ново на Сител
-
Телефонски разговор Ципрас-Заев: Ја истакнале важноста на почитувањето на Договорот од Преспа
-
Жената носи живот | Мери Амбросова | Личен развој | Sitel Podcast 036
-
„Паркови и зеленило“: Немаме склучено договор со Владата за одржување на дворот на владиниот објект
-
„Европскиот фронт“ обвинува за обид преку ДИК да му бидат одземени еден до два пратенички мандати
-
ДИК прифати приговор на коалицијата „Влен“ за избирачкото место во Желино
-
Претепан вработен во казино од три лица на кои им бил забранет влезот
-
На сила го внел во возило и му украл накит и 2.500 евра - Кривична пријава за 40 годишник од Скопје
-
Тепачка во ресторан во Драчево