Русија и Кина работат на заедничка вакцина против Ковид-19
Кинеската фармацевтска компанија Кансино Билоџикс (CanSino Biologics) и руската Петровакс Фарм (Petrovax Pharm) ја започнаа третата фаза на клинички испитувања на вакцина против коронавирус, објави утрово Глобал Тајмс.
Тестовите во моментов се спроведуваат на руска територија. „Двете компании добија дозвола од руското Министерство за здравство да ја тестираат ефикасноста на вакцината Ad5-nCoV“, се вели во официјалното соопштение на „Кансино Билоџикс“.
Тестирањата во Русија ќе завршат до крајот на септември, а резултатите ќе бидат објавени пред зимата. Вакцината се очекува да биде тестирана на 40.000 волонтери, но само дел од нив се руски државјани.
Управата на „Кансино Билоџикс, исто така, ги истражува можностите за соработка со Мексико, Пакистан и Саудиска Арабија.
Портпаролот на кинеското Министерство за надворешни работи, Хуа Чунинг вчера на брифинг изјави дека кинеските фармацевтски компании развиле девет вакцини за коронавирус кои се во клинички испитувања и наскоро ќе бидат достапни за сите земји.
Ново на Сител
-
Вреди: Не треба да се отвораат старите рани
-
Победа над Фарски Острови - македонските ракометари се пласираа на Светско
-
Пендаровски се заблагодари на граѓаните за укажаната доверба
-
ЦУК: Спасени две лица кои со „квадрицикл“ излетале во провалија на Шара
-
Приштина: Притвор од 30 дена за државјанин на Србија вмешан во ланските немири во северно Косово
-
ЕУ потсетува на важноста од целосно почитување на Договорот од Преспа
-
Мишел и Фон дер Лајен со честитки во Сиљановска Давкова: Очекуваме соработка на европскиот пат на земјата
-
Алексеј Навални постхумно ќе ја добие наградата за мир во Дрезден