Русија ја предупреди Македонија: Приклучување во НАТО ќе има негативни последици

Русија ја предупреди Македонија за негативните последици од евентуално пристапување во НАТО алијансата.

Ова го објави руското МНР по состанокот меѓу рускиот заменик-министер за надворешни работи, Александар Грушко, и македонскиот амбасадор во Москва, Гоце Карајанов, објави руската новинска агенција ТАСС.

„Двајцата соговорници ги разменија ставовите за ситуацијата на Балканот“, се вели во официјалното соопштение од Министерството и се додава дека руската страна ги истакнала негативните импликации за регионалната безбедност и билатералните односи од плановите за пристапување на Македонија во НАТО .

Двајцата соговорници ја потврдиле својата подготвеност да продолжат со интеракциите во области од заеднички интерес.

„Значењето на продолжување на работата на меѓувладината комисија за трговска и економска и научна и технолошка соработка е нагласено“, рече руското Министерство за надворешни работи.