Русија разгледува можност за вклучуање во нападите врз ИД
Русија ја разгледува можноста за вклучување со свои борбени авиони во воздушните напади врз позициите на џихадистичката група Исламска држава, изјави во Њујорк рускиот претседател Владимир Путин.
Путин нагласи дека тоа би можело да се случи само доколку за таква операција Русија добие мандат на ОН, отфрлајќи ја можноста руски војници да учествуваат во копнени операции против џихадистите на сириска територија..
Рускиот претседател смета дека би била „огромна грешка“ доколку во борбата за елиминирање на ИД не се вклучат и сирискиот претседател Башар ал Асад и сириската армија.
Неговата изјава доаѓа по изјавите на САД и Франција дека „Асад мора да си замине“.
Путин, меѓутоа, порача дека претседателите на САД и Франција, Барак Обама и Франсоа Оланд не може да решаваат за тоа, бидејќи за иднината на Асад и на Сирија може да одлучуваат едннствено Сиријците.
Русија има две воени бази на сириската територија - кај Латакија и во Тартиз, каде од неодамна се префрлени нови борбени авиони и хеликоптери.
Официјална Москва претходно потврди дека ги засилила пратките со оружје и воена опрема за сириската армија, како и дека руски советници им помааат на сириските сили во нивната борба против терористите, но ова е прв пат од страна на Москва да дојде најава дека нејзини авиони би можеле да ги бомбардираат позициите на ИД, онака како што тоа го прават американската, а од неодамна и француската авијација.
Ново на Сител
-
76-годишна прилепчанка измамена за 380.000 денари - ја убедиле дека внука ѝ ќе оди во затвор
-
Оштетен автомобилот на скопјанка по тепачка со жена на Бит Пазар
-
Скопјанец нападнат од својот малолетен внук
-
Зеленски: Украина стори се што беше можно да ги отвори преговорите со ЕУ во јуни
-
СЗО: Медицинска помош не е влезена во Газа од израелското заземање на преминот Рафа, на 6 мај
-
Словачкото обвинителство побара притвор за напаѓачот на премиерот Фицо, судот за тоа ќе одлучува утре
-
УЈП ги потсетува граѓаните да ги проверат своите годишни даночни пријави за 2023
-
Тешко повредено едно лице откако српско возило излетало од автопатот Неготино - Демир Капија