Русија тврди дека спречила напад со украински беспилотни летала врз цели во Москва
Две беспилотни летала лансирани од Украина нападнаа цели утрово во Москва, но беа пресретнати и уништени, соопшти руското Министерство за одбрана.
Руските државни новински агенции објавија дека делови од дроновите биле пронајдени на два километра од зградите на министерството. Оквалификувајќи го како „терористички напад“, Министерството за одбрана на Телеграм објави дека во нападот нема жртви.
Ниту Министерството за одбрана, ниту градоначалникот на Москва Сергеј Собјанин не соопштија каде биле пресретнати беспилотните летала.
Руските државни новински медиуми јавија, повикувајќи се на итните служби, дека делови од дрон биле пронајдени во близина на зграда на авенијата Комсомолски, што е недалеку од зградите на Министерството за одбрана.
Сообраќајот на таа авенија е затворен, како и на авенијата Лихачев на југот на Москва, каде беше оштетена деловна зграда.
Од Киев засега нема коментар.
Ново на Сител
-
Над 20 интервенции ноќеска во поплавени куќи во Тетово
-
Тошковски: Да се фокусираме на професионалноста, а не на етничкиот предзнак
-
Фич: Курсот на денарот и банкарскиот сектор остануваат стабилни
-
Кривична пријава за криумчарење мигранти
-
Приведен крадец во тетовско
-
АХВ нареди нови мерки на ЈКП„ Комуналец“ од Струмица
-
Пронајдени над 50 килограми марихуана во Демирхисарско, приведено едно лице
-
Црвениот крст на РСМ ги повикува македонските граѓани да донираат средства за настраданите во БиХ