Русија тврди дека спречила украински напад со дронови врз Белгородската област

–  Руската армија утрово спречија украински напад со дронови врз западната област Белгород, на границата со Украина, соопшти Министерството за одбрана на Русија.

– Спречен е напад со седум беспилотни летала на цели на територијата на Русија.

Сите украински беспилотни летала беа пресретнати од противвоздушна одбрана, објави руското Министерство за одбрана на социјалната мрежа Икс.

Гувернерот на Белгородската област, Вјачеслав Гладков, сепак, објави дека едно беспилотно летало погодило куќи во градот Губкин. Тој наведе дека нема жртви, но дека е причинета материјална штета.