Руски и кинески шпиони со најголемо дејствување во Чешка
Во Чешка, минатата година се забележано најчести дејствувања на разузнавачките служби на Русија и Кина. Кинеските интереси биле насочени кон ширење на влијанието во чешката политика и економија, додека Русија главно водела информативна војна во врска со украинската и сириската криза.
Ова е дел од годишниот Извештај на чешката а Безбедносна служба (БИС) објавен денеска, јави дописникот на МИА од Прага.
- Значителен дел од руските разузнавачи дејствувале под покритие на дипломатската мисија која останува се уште непропорционална во однос на дипломатските претставништва како САД или Кина, се вели во Извештајот.
Ова според БИС претставува загрозување на безбедноста и интересите на Чешка.
Чешката контраразузнавачка служба информира дека имало обиди за нарушување на внатрешното единство и активност на НАТО и ЕУ со ширење на невистинити информации.
Кинеските шпионски служби главно го ширеле своето влијание во државните структури.
БИС исто така информира и за следење на некои луѓе кои патувале за Сирија или пак изразувале симпатии за идеологијата и активностите на џихадистичката организација Исламска држава (ИД). БИС минатата година била насочена и кон активности на екстремистите поврзани со миграциската криза и големиот број бегалци кои Чешка ја користеа како транзитна земја.
Ново на Сител
-
Експерти: Одговорноста за правосудството треба да се бара во индивидуалните постапки на дел од судиите
-
Тема на денот со Арбен Таравари
-
Амбасадорите подготвени да соработуваат со Мицкоски за судските реформи
-
Советот на обвинители не сака распуштање, Мицкоски вели срамно е да се има доверба од 2%
-
268 матуранти паднаа на државната матура
-
Кој ќе одговара за скапо платените и некористени акцеларатори за малигно болни кои ќе завршат во отпад?
-
ЕпсоТех инвестира 20 милиони евра - Ќе бидат вработени 110 луѓе
-
„Да ги пуштиме нозете колку ни е долга чергата“ рече Мицкоски за барањето 450 евра минималец