Сабаленка: Многу ми значи признанието „Лауреус“
Белоруската тенисерка Арина Сабаленка коментираше за добивањето на наградата „Лауреус спортистка на годината“.
Церемонијата на доделување награди се одржа вчеравечер во Мадрид, Шпанија.
– Воау, спортистка на годината! Има толку многу неверојатни жени во спортот во моментов. Ова признание ми значи многу. Искрено, неверојатно е да го видам моето име покрај спортистките на кои се восхитував толку долго. Благодарам на „Лауреус“ за вашата поддршка, и на мојот тим и мојот партнер што секогаш беа тука. Не можев да го направам ова без вас – напиша Сабаленка на социјалните мрежи.
Првиот светски рекет ги победи фудбалерката Аитана Бонмати, атлетичарките Мелиса Џеферсон-Вуден, Фејт Кипиегон и Сидни Меклафлин-Леврон, како и пливачката Кејти Ледеки.
Во сезоната 2025, Сабаленка стана шампионка на Отвореното првенство на САД и освои турнири во Бризбејн, Мајами и Мадрид.
МИА
Ново на Сител
-
Сончево и топло со температура до 32 степенa, попладне можен краткотраен дожд
-
Инспекциските служби на Општината и МВР излегле на терен во градилиштето во Центар - локацијата обезбедена, инвеститорот казнет
-
Генералниот директор на СЗО изјави дека брзото ширење на епидемијата на ебола во ДР Конго и Уганда ги надминува напорите за одговор
-
Свлечиште настанало во Центар при ископ на дупка за изградба на зграда, багерот бил затрупан, багеристот успеал навреме да излезе
-
Руското МНР ги предупреди странците да го напуштат Киев и најави серија напади врз конкретни објекти во градот
-
Хрватскиот премиер Андреј Пленковиќ утре во посета на Македонија
-
Средба на српскиот премиер со претставници на македонското национално малцинство: Северна Македонија е братска земја
-
Ревизори од Македонија и пет други држави покренуваат заеднички контроли врз трошењето на јавните средства
