Саборот расправа за смена на премиерот Орешковиќ
Во Саборот почна расправа за отстранување од функцијата на хрватскиот премиер Тихомир Орешковиќ, иницирана од владејачката Хрватска демократска заедница (ХДЗ) на Томислав Карамарко, јави Хина.
Хрватскиот премиер пристигна во парламентот, придружуван од министрите од партијата Мост.
Тој во своето обраќање пред хрватскиот Сабор нагласи дека вистинската причина за уривањето на неговата Влада е тоа што поради заштита на националните интереси започнал да работи на решението на спорот со Ина-МОЛ со продолжување на арбитража и почеток на нови преговори, што некому не му одговорало.
- Не е тајна дека моите ставови за Ина, ЛНГ и енергетскиот сектор многу се разликуваат од ставовите на некои членови на Владата, и дека цврсто ги бранев бидејќи сум длабоко свесен која важност ја имаат Ина и енергетскиот сектор за нашата економија и се борев да ги заштитам нашите витални интереси, образложи Орешковиќ.
- Се пишува историја. Да го завршиме тоа што го започнавме, истакна Орешковиќ, во одговор на прашањето од новинарите, како се чувствува да биде сменет од оние, кои го ставиле на власт.
Барањето за отстранување на Орешковиќ беше поддржано од 42 пратеници.
Тие тврдат дека, спротивно од неговите ветувања, тој не посветил доволно внимание на економијата, социјалните прашања и создавањето на нови работни места.
Ново на Сител
-
Сончево и топло, максималната температура до 38 степени
-
Во Израел денеска е ден на протести, со барање за распишување избори
-
Втор круг од парламентарните избори во Франција, се предвидува релативна победа на десницата
-
На ГП Табановце за влез и излез од државата се чека по околу половина час
-
Зеќирија Ибрахими е нов претседател на Алтернатива избран на вонредниот конгрес во Куманово
-
Кратово блесна во полн сјај на првата фестивалска вечер од ЗЛАТНИ ДЕНОВИ КРАТОВО 2024 | ФОТО
-
МВР го барала да го уапси, а тој пробал да лета преку аеродромот во Скопје
-
Повреден германски параглајдерист - Летал над Крушево