САД немаат непријателски намери кон Северна Кореја
Белата куќа ги отфрли обвинувањата на Северна Кореја дека заедничките воени вежби во регионот се провокација и рече дека САД немаат непријателски намери кон Пјонгјанг.
Јасно ставивме до знаење дека немаме непријателски намери кон КНДР (Северна Кореја) и дека бараме сериозна и одржлива дипломатија за да се справиме со целиот спектар на прашања од интерес за двете земји и за регионот, изјави портпаролот на Советот за национална безбедност на Белата куќа.
Коментарот на Белата куќа дојде откако Министерството за надворешни работи на Северна Кореја соопшти дека вежбите на САД и нивните сојузници ја турнале ситуацијата на „екстремна црвена линија“ и се заканија дека ќе го претворат полуостровот во „огромен воен арсенал и покритична воена зона“.
Во соопштението пренесено од државната новинска агенција КЦНА, се вели дека Пјонгјанг не е заинтересиран за дијалог се додека Вашингтон води непријателска политика.
Во соопштението на Белата куќа се повторува подготвеноста на САД „да се сретнат со претставниците на КНДР во време и место погодно за нив“.
Ја отфрламе идејата дека нашите заеднички вежби со партнерите во регионот служат како каква било провокација. Тоа се рутински вежби, целосно во согласност со досегашната практика, рече портпаролот.
Тој додаде дека САД продолжуваат тесно да соработуваат со сојузниците и партнерите за да обезбедат мир и стабилност во регионот.
- Истовремено, ќе продолжиме да работиме со сојузниците и партнерите за целосно спроведување на резолуциите на Советот за безбедност на ОН кои ја одразуваат волјата на меѓународната заедница и да ја ограничиме способноста на КНДР да ги унапредува своите програми за незаконско оружје и да ја загрози регионалната стабилност, нагласи американскиот функционер.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп