САД покренаа обвиненија за воени злосторства против двајца поранешни воени лица на Сирија

САД покренаа обвиненија за воени злосторства, вклучително и мачење на Американци, против двајца поранешни воени службеници на Сирија кои играле клучни улоги во сега урнатиот режим на Башар Асад.

Се работи за Џамил Хасан (72) и Абдул Салам Махмуд (65), поранешни членови на разузнавачката служба на воздухопловните сили на Сирија.

Министерството за правда на САД ги обвини за „заговор за направени воени злосторста преку нанесување суров и нехуман третман на задржани под нивна контрола, вклучително и американски државјани“.

Министерството ги товари за „суров и необичен“ третман на граѓански затвореници во воениот аердром Меза во близина на Дамаск. По нив е распишана потерница за апсење и ако бидат фатени тие се соочуваат со доживотен затвор.

По падот на режимот на Асад, Сиријците се во потрага по најблиските кои биле држани во сириските затвори, додека илјадници затвореници се ослободени од објектите озлогласени по тоа што во нив се спроведувал суров третман и измачување.

Во 2018 година против Махмуд и Хасан потерница распиша и Германија. САД уште од 2012 година имаат воведено санкции против Асад и нејтесниот круг соработници, вклучително и Хасан.