Саем на книгата во Штип

Повеќе од 1.000 наслови нуди Саемот на книгата што се одржува од денеска до четврток во Универзитетската библиотека „Гоце Делчев“ во Штип.

Според Соња Манева, библиотекар во „Гоце Делчев“, саемот има продажен карактер, а на него се присутни издавачките куќи: „Матица македонска“, „Култура“, „Наша култура“, „Антолог“ и „Македоника литера“.

- Посетителите ќе може да ги видат и нашите книги од проектите на Владата кои се исто така на продажба, изјави Манева.

Цената е различна, зависно од насловите и авторите, а најниската е 100 денари.