Сакам да ве уверам дека ќе не биде и ќе успееме, им порача Ковачевски на граѓаните

Премиерот Димитар Ковачевски на денешната прес-конференција на граѓаните им порача дека ќе се изгради успешна држава со нив и за нив.

-Ве повикувам на заедништво, на верба, на позитивен пристап, на оптимизам. Ве повикувам, затоа што нудиме обединување за подобра и вистинска македонска држава. За ново сонце на слободата, правдината, развојот, за мултиетничка и мултикултурна, за граѓанска и европска држава. Како што доликува и каква што ја сакаме во срцата, каква што ја градиме разумно со памет. На крај, уште еднаш сакам да ве уверам. Ќе не биде. Ќе успееме. Ќе сработиме, ќе изградиме силна, рамноправна, успешна држава. Со Вас, ЗА вас, во име на нашите предци, за денешните и за идните генерации. Да живеат граѓаните, да живее Република Северна Македонија!“, рече Ковачевски.