Сали: Децата со Даунов синдром се инспирација за сите нас

Денеска на Меѓународниот ден на Даунов синдром, имав посебно задоволство и можност да ги пречекам во мојата канцеларија најомилените деца меѓу нас. Токму овие убави девојчиња и момчиња со Даунов синдром и покрај секојдневните предизвиците се полни со енергија, полни со љубов и полни со волја за живот. Тие се инспирација за сите нас, истакна министерот за здравство, Беким Сали.

Министерот на својот фејсбук профил сподели дека на денешната средба ги охрабрил децата со Даунов синдром дека Министерството за здравство им е на располагање.

– Jас сум им пријател и родител, напиша тој, дополнувајќи дека вратата на Министерството за здравство е секогаш отворена за нив.