Санација на оштетени улици во Велес
Во Велес денеска започна санација на оштетените главни велешки соообраќајници.
Како што информира Снежана Дервишова од службата за градежништво на Општина Велес, работите ќе продолжат и утре и во понеделник, a во зависност од временските услови.
- Денеска во месноста „Дворови“ во Велес со бекатон плочки се уреди улицата „Трајко Панов“ која води кон градинката, а таму се бетонира и улицата „Благој Абрашев“. Се поплочува улицата „Прохор Пчински“ која води кон градската црква „Св Спас“. Се уредуваат и улиците „Мицко Козар“ и „Киро Ќучук“. Се поплочи и дел од улицата „Христо Узунов“ и се доуредува паркингот кај Градското пазариште.
Таа појаснува дека како и порано и сега има можност граѓаните да земат градежен материјал од општината и сами да бетонираат своите улици каде што живеат.
Така жителите од Башино Село веќе побарале градежен материјал и ќе ја бетонираат улицата која води до црквата и жителите на „Славе Евтов“ на Камено брдо во Велес.
Дервишова информира дека градежни екипи ангажирани од Општина Велес уредија улица во велешко Горно Оризари а ја асфалтираа и улицата во Сателитската Населба кај Езерото „Младост“.
Таа најави дека ќе се уредат и улици во велешките села Црквино и Иванковци и други села.
Ново на Сител
-
Кривична пријава за криумчарење мигранти
-
Приведен крадец во тетовско
-
АХВ нареди нови мерки на ЈКП„ Комуналец“ од Струмица
-
Пронајдени над 50 килограми марихуана во Демирхисарско, приведено едно лице
-
Црвениот крст на РСМ ги повикува македонските граѓани да донираат средства за настраданите во БиХ
-
Нормализиран сообраќајот на патот Струмица - Валандово
-
Премиерот Мицкоски ќе присуствува на официјалното отпочнување на надградба и реконструкција на граничниот премин Деве Баир
-
Утре литургија во соборниот храм ,,Св. Климент Охридски” по повод 25 годишнината од востоличувањето на г.г. Стефан