СДСМ: 11 дена молк за марихуаната

11 дена нема одговор како 5 тони дрога вредни милиони евра поминале граница, се вели во соопштението на СДСМ објавено утрово.

„11 дена молк од власта. Нема одговор како 5 тони дрога, по некои проценки вредни 40 милиони евра, ја поминале македонската граница и завршиле во Србија? Кој ќе одговара? Молкот не е случајност туку јасен индикатор дека овој скандал води до врвот на власта и дека некој се обидува да го заташка. Без поддршка и логистика на структури во власта, во МВР, во Царината и во други институции – ваква шверцерска операција на дрога не била возможна – велат во СДСМ.