СДСМ: Мицкоски призна дека вршел притисок во МВР за истрага против него
Христијан Мицкоски праќал пораки и се јавувал по телефон кај вработени во Министерството за внатрешни работи за да врши притисок за истрагата за неговата посета на фитнес центар во време кога нивното работење е забрането.
Тоа, Мицкоски не само што го призна туку и јавно се пофали дека го сторил тоа и ќе го сторел и повторно ако требало.
Според истото признание на Мицкоски, притисокот е извршен со помош на Наќе Отсјај, што отвора други основи за одговорност. Тоа е класично дејствување по режимската матрица на ВМРО-ДПМНЕ од кој Мицкоски не е мрднат ниту милиметар.
По кој закон, со какви овластувања пропаднатиот спортист и политичар Мицкоски се јавувал кај службени лица за да интервенира за истрага во која токму тој е предмет?
Секому му е јасно дека кој било граѓанин, па дури и претпоставено лице, а најмалку претседател на политичка партија, забрането е да му се јавува на службено лице кое врши истрага и да се интересира за неговиот случај.
Техничкиот министер Наќе Отсјај наместо да му го посочи тоа на Мицкоски, постапил сосема спротивно па дури му обезбедил и телефонски број од службеното лица со што му помогнал на Мицкоски во вршењето притисоци.
Ова е сериозно кривично дело и затоа јавноста очекува Обвинителството по допрен глас да отвори истрага за ваквото незрело, несериозно, но пред се незаконско дејствување на Мицкоски и Чулев.
Истовремено, јавноста очекува епилог и од истрагата за посетата на Мицкоски на теретаната и истата да ги даде одговорите на сите досега поставени прашања.
Ново на Сител
-
Љупчо Палевски Палчо екстрадиран од Турција и сместен директно во Истражниот затвор во Шуто Оризари
-
Тема на денот со Горан Илијевски - Партија на Македонците во Србија
-
Атентат врз словачкиот премиер
-
Флекс кредит и СОС Детско Село заедно за Денот на семејството
-
Предизборниот и постизборниот период продуцира економска криза, сметаат економистите
-
Со нож и се заканија на претседателката на Уставен Кацарска
-
Запален службениот автомобил на директорот на Идризово- оштетена и блиската зграда
-
Уставен го одби барањето на судиите да го врати коефициентот за повисоки плати