Се асфалтира патот во село Жидилово, Крива Паланка

По алфалтирањето на новиот пат до манастирот „СВ. Јоаким Осоговски“, започна и асфалтирањето на патот во село Жидилово. На делницата од еден километар, ќе бидат поставени два слоја асфалт, еден со дебелина од седум сантиметри и вториот со дебелина од пет сантиметри. Во тек е асфалтирањето на првиот слој на асфалтот и половина од трасата е веќе асфалтирана.

- Се асфалтира селска улица во село Жидилово, со два слоја на асфалт. Едниот слој е со дебелина од седум сантиметри, другиот слој е со дебелина од пет сантиметри и ширина од 3,5 метри и банкина 0.5 метри. Ова беше барање на жителите кое веќе е исполнето, а го опфаќа најнаселениот дел во село Жидилово, изјави градоначалникот на Крива Паланка, Арсенчо Алексовски.

Патот се гради со финасиски средства од Агенцијата за финасиска поддршка во земјоделството и руралниот развој.