Се појави досега необјавено интервју на Навални: Корумпирани претставници кои живеат во Лондон му помагаат на Путин да ги скрие „валканите пари“
Неодамна починатиот руски опозициски лидер Алексеј Навални во едно од досега необјавените интервјуа, критикува корумпирани официјални претставници кои живеат во Лондон и, како што сметаше, му помагаат на режимот на Владимир Путин „да ги скрие валканите пари“.
До тоа интервју од февруари 2020 година дојде „Скај њуз“, а освен нападите врз политичарите и влијателните луѓе од Западот, рускиот опозициски лидер зборуваше и за надежта за подобра иднина на Русија, како и за ризиците за кои знаеше дека ги презема.
Од тоа што го раскажуваше и како размислуваше, се гледаше дека верува во европската иднина на Русија, поради што не ги избираше зборовите за оние кои во таа иста Европа го поддржуваа режимот на Путин.
„Русија е европска земја, сите луѓе што живеат тука сакаат да живеат како во Европа. Но, Западот навистина не прави ништо, би рекол.
Танцуваат некои „ритуални танци“ за да остават впечаток дека нешто се прави, но всушност ништо не се случува“, вели Навални, мислејќи на влијателните Руси кои живеат во Лондон.
„Се надевам дека за 10 години, ако повторно ме интервјуирате, ќе можеме да кажеме како успеавме да ја надминеме корупцијата и перењето пари“, истакнува Навални.
Интервјуто е снимено како дел од неемитуваната документарна серија „По падот“, во режија на Метју Торн и продуцирана од Ендрју Данкан.
Ново на Сител
-
Во полиција задржани тројца кавадарчани, едниот бил агресивен и се заканувал кон полицајци, двајца спречувале преземање на службени дејства
-
Тешко повреден малолетен пешак во Куманово по удар на автомобил
-
Експлозија во магацин за пиротехника во Бугарија
-
Продолжи собраниската комисиска расправа за ребалансот на Буџетот
-
Второто злато на ОИ 2024 за Кина
-
На „Богородица“ и „Табановце“ зголемен интензитет на сообраќај
-
СВР Скопје расчисти кривични дела „убиство“ и „убиство во обид“, кои се случија месецов, поднесени пријави против три лица
-
Унгарија го зема најголемиот кредит досега од Кина – Позајмица од милијарда евра