Се расчистува снегот кон неколку поткожувски села

Снежна покривка од 5 сантиметри, се има формирано денеска на патните правци кон повеќе поткожувски села. Како што информираат од компанијата “Јами” која од кавадаречката општина е задолжена за зимско одржување на патиштата, во моментов се чистат делниците кон селата Страгово и Бојанчиште.

- Континуирано работиме на терен и благодарение на тоа што постојано го чистиме снегот и ставаме сол, во моментов сите патни правци кон селата под Кожуф се проодни, соопшти Ристе Еленов, раководител во компанијата.

Според Eленов, досега во оваа сезона, за чистење на патиштата употребиле околу 15 тони сол, од кои 90 проценти се искористени за расчистување на делниците кон планинските села од кавадаречкиот регион.