Се стабилизират временските прилики во Охридскиот регион

После врнежливата ноќ временските прилики во Охридскиот регион се стабилизираат, а врнежите престанаа.

Според денешните податоци на АД „ЕЛЕМ“ што стопанисува со водите на езерото, нивото на езерото е на 693,85 метри надморска височина или 10 сантиметри на нормираниот максимум.

Викендот охридскиот регион го зафати силен јужен ветер кој на моменти достигнуваше брзина и до 100 километри на час, предизвикувајќи високи бранови што нанесоа штети на крејбрежни објекти, најмногу на потегот од Градското пристаниште до населбата Канео. Исто така езерото исфрли огромни количества трска, растенија, но и цврст отпад и пластика што несовесно се одлагаат во езерото и неговите притоки.