Се укинуваат царините за медицинските помагала и потрошниот медицински материјал
Владата на вчерашната седница донесе одлука за укинување на увозната давачка – царинска стапка за одредени стоки – потрошен медицински материјал (согласно Задолжението од Петтиот состанок на Главниот координативен кризен штаб одржан на 20 март 2020 година и Задолжението од Шестиот состанок на Главниот координативен кризен штаб, одржан на 21 март 2020 година) во врска со ослободување на царинските давачки за сите медицински помагала и потрошниот медицински материјал кој се увезува во Република Северна Македонија.
-Одлуката има за цел да се надминат евентуалните нарушувања на пазарот во земјата во однос на снабденоста со овие стоки, како резултат на прогласената пандемија на коронавирусот од страна на Светската здравствена организација и преземените рестриктивни мерки од страна на одделни земји во вид на ограничување на извозот на овие производи, информира владината прес-служба.
Медицинските помагала и потрошниот медицински материјал се вметнуваат и во Одлуката за определување на највисоките цени на одделни производи во трговијата на големо и трговијата на мало, покрај дезифекциските средства. И за нив ќе важи забраната за поскапување, не до 30 март, туку до завршување на вонредната состојба во земјава.
Ново на Сител
-
Гир и Дрекслер се надеваат на продолжување на дијалогот со новата Влада, по изјавите на Мицкоски дека амбасадорите се мешаат во внатрешните работи
-
Собранието ги избра делегациите за парламентарна соработка со меѓународни институции
-
Собранието ја избра Марина Димовска за генерален секретар
-
Михајловска: Годинашната средна оценка на матура 3,25, одлична по однос на објективноста
-
Приведен жител на Свети Николе, пронајдена дрога во неговиот дом
-
СПМ: Шефовите на источниот и јужниот сосед на Македонија настапуваат оркестрирано со империјални барања против интересите на македонскиот народ
-
Грчки медиуми: Сиљановска вели дека се однесуваат одговорно кон Договорот од Преспа, се сомнева дали истото важи и за Грција
-
Приведен кавадарчанец за нанесена тешка повреда на неговиот син