Се урна руски воен хеликоптер, нема преживеани

Руски воен хеликоптер Ми-28 се урна во регионот Калуга југозападно од Москва.

Агенцијата Интерфакс ја пренесе изјавата на руското Министерство за одбрана дека е убиен целиот екипаж на леталото.

Министерството објави дека причина за падот очигледно е технички дефект на хеликоптерот.

Ројтерс наведува дека во соопштението не се наведува колку луѓе имало во авионот, но дека хеликоптерот Ми-28 обично има двајца екипаж.