Се уште активен пожарот кај село Требовље

Пожарот во атарот на селото Требовље, во близина на Македонски Брод, се уште е активен, соопшти Центарот за управување со кризи.

Се работи за два пожара од кои едниот е од месноста „Круша“, атар на селото Близанско со правец на движење кон Требовље, а вториот пожар е од Требовље со правец на движење кон месноста „Лутоец“ и Фојник. Поради високите температури и лошиот терен, пожарот, со којшто е опфатена борова шума, се уште е активен.

Состанок синоќа одржа Регионалниот штаб за управување со кризи на Подрачното оделение на РЦУК Македонски брод на кој беше донесен заклучок во текот на денешниот ден за гаснење на пожарто да бидат ангажирани воздушните летала на Дирекцијата за заштита и спасување, лица од општината Македонски Брод, ДЗС – Скопје; ЈП Јасен, ТППЕ Македионски Брод, ДЗС – Кичево, ДЗС Македонски Брод, ДЗС – Прилеп, ЈП Македонски Шуми и од месно население на село Требовље.

Подршка на силите во гасењето на пожарите дава и АРМ со своите хеликоптери, кои беа ангажирани и во изминатите денови. Повремено се користеа и двата авиони на ДЗС.

ЦУК соопшти дека во текот на вчерашниот ден околу селото Требовље биле распоредени екипи од Дирекцијата за заштита и спасување, Шумското стопанство Сандански од Македонски Брод, Територијалната противпожарна единица на Македонски Брод и лица од месното население.

Првиот крак од пожарот во селото Требовње, според ЦУК, се ширел во правец на село Здуње. Во гаснењето на пожарот интервенирале и два хеликоптери на АРМ. Со пожарот била зафатена бандера на далекувод и во моментот без електрична енергија се жителите од село Близанско.

Околу 18:10 часот пожарот бил пристигнат до патот во близина на селото Требовље и биле загрозени првите куќи од селото, поради што биле испратени дополнителни сили, протвипожарни екипи на Тетово, Струга, Гостивар, Куманово.