Седум застрелани на детски роденден: Гости се искарале пред зграда, дошол непознат и почнал да ги решета

Во пукање кое изби по кавга на роденден на двегодишно дете во Камп Спрингс, во американската сојузна држава Мериленд, се ранети седум лица.

Кавгата почнала во стан, каде 12 возрасни славеле роденден на детето, а продолжила пред зградата.

7 people shot at 2-year-old’s birthday party in Maryland https://t.co/FnTJDluRln pic.twitter.com/QDk5IHdC9T

— State of Press (@stateofpress) August 25, 2019

Во еден момент на луѓето кои „разменувале зборови“ им се доближило непознато лице и почнало да пука во нив, вели Хенк Ставински, шеф на полицијата на округот Принц Џорџ, каде пукањето се случило.

Тројца од седум повредени се во критична состојба, но се очекува сите да преживеат зошто не се животно загрозени, додаде Ставински. Сите седум се на возраст од 18 и 20 години.

Напаѓачот се уште е во бегство, а Ставински вели дека полицијата верува дека напаѓачот делувал сам. Тој исто така вели дека веројатно е дека пред пукањето дошло до вербален судар меѓу гостите и напаѓачот.