Селекторот „аферџија“ на чело на Кристал Палас

Сем Алардајс е нов менаџер на Кристал Палас, објави премиерлигашот на својата интернет страница.

Поранешниот англиски селектор на клупата на Кристал Палас го наследи Алан Пардју кој доби отказ вочетвртокот поради лошите резултати.

Алардајс минатат сезона успеа со Сандерленд да избори опстанок, а потоа беше именуван за селекторт на Англија.

Селектор беше само на еден натпревар, а потоа поднесе оставка поради скандалот кој беше откриен од медиумите, односно снимката на која се гледа Алардајс како советува наводни менаџери како да ги заобиколат трансфер правилата во Премиерлигата.

Пардју со Кристал Плас успеа да освои само 15 бодови од почетокот на сезоната поради што клубот е на 17-то место на табелтата, блиску до зоната на испажање.

Дебито во новиот клуб Алардајс може да го има в понеделник кога Кристал Палас ќе гостува кај Вотфорд.