Северна Кореја изврши ново тестирање со балистичка ракета

Северна Кореја утрово истрела најмалку една балистичка ракета од својот источен брег.  Јужнокорејските сили соопштија дека утрово е испукана ракета од реон на градот Синпо каде Северна Кореја има подморници и друга техничка опрема за тестирање балистички ракети од подморници.
Јапонски премиер Фумио Кишида изјави дека биле регистрирани две балистички ракети.

Лансирањето на севернокорејска балистичка ракета од подморница (SLBM), потврдено од јужнокорејски и јапонски претставници, уследи откако американската и јужнокорејската делегација се сретнаа во Вашингтон за да разговараат за ќорсокакот во нуклеарните преговори со Пјонгјанг.