Северна Кореја се откажува од дијалог со САД за нуклеарната програма
Северна Кореја го одби предлогот на државниот секретар на САД, Рекс Тилерсон за започнување на билатерални преговори за нејзината нуклеарна програма, пишува денеска весникот на севернокорејската владејачка Работничка партија на Кореја, „Нодон синмун“.
- Предлагајќи ни преговори, САД на тој начин сакаат да ја префрлат на Пјонгјанг одговорноста за заострување на ситуацијата на Корејскиот Полуостров, посочува весникот.
Според авторот на текстот, Вашингтон сака да го искористи одбивањето на преговори со цел во Советот за безбедност на ОН да создаде атмосфера за усвојување нова резолуција за санкции кон Северна Кореја.
- Нашата позиција е непроменета - ние ќе продолжиме да го унапредуваме нашето нуклеарно оружје, истакнува весникот.
Како што јави МИА, на 12 декември Тилерсон изјави дека САД се подготуваат да преговараат со Северна Кореја „без претходни услови“.
Ново на Сител
-
Тема на денот со Горан Илијевски - Партија на Македонците во Србија
-
Атентат врз словачкиот премиер
-
Флекс кредит и СОС Детско Село заедно за Денот на семејството
-
Предизборниот и постизборниот период продуцира економска криза, сметаат економистите
-
Со нож и се заканија на претседателката на Уставен Кацарска
-
Запален службениот автомобил на директорот на Идризово- оштетена и блиската зграда
-
Уставен го одби барањето на судиите да го врати коефициентот за повисоки плати
-
Европскиот фронт најави тужби до Управниот суд и кривични пријави за членовите на ДИК