Шахпаска: Засега има доволен капацитет за згрижување на деца во градинките чии родители работат

Министерката за труд и социјална политика Јагода Шахпаска пред малку на прес конференција кажа дека според последните анализи согласно новите протоколи во градинките ширум државата има капацитет за да бидат згрижени 19.000 деца а во моментот пријавени се 14.555. 

Според неа засега во ниедна градинка нема исполнет капацитет но таа апелираше до родителите доколку има кој да се грижи за нивните деца да го отстапат местото на други родители. Предност од среда од кога ќе бидат отворени градинките ќе имаат децата чии двајца родители работат и деца на самохрани вработени родители. Таа потенцираше општините како основачи на овие установи доколку се јави потреба за време на пандемијата да вработат нов кадар за непречено функционирање на воспитно образовната установа.  

Александар Динев