Шаќири: Една од најпаметните одлуки на Шилегов беше што не ме назначи директор на МКЦ

Арбен Бени Шаќири во гостувањето во Тема на денот на Сител Телевизија рече дека би се погрижил за хигиената на Скопје, за ноќниот живот и секогаш би бил отворен за граѓаните.

Неговото мислење за Петре Шилегов е дека е самобендисан и дека во вториот круг не би ги добил неговите гласови.

„Најмногу ми пречи лицемерето, пасивен беше три и пол години, и сега прави офанзивна во последните месец дена. Од првиот ден треба да се засукаат ракавите, не постои проект на кој му требаат 10 и повеќе години. За помалите проекти не постои нешто што не може да се заврши од пола до една година“, додаде тој. 

За тоа што не успеа да стане директор на Младинскиот културен центар, иако таа функција била предвидена првично за него, Бени вели дека тоа била една „од најпаметните одлуки на Шилегов“.

„Некој мора да го води тој центар, добро е што не ме назначи Шилегов таму, тоа му е една од најпаметните одлуки. Ќе требаше да се занимавам со се, освен со културата. Таму не сакаа човек од надвор“, се навраќа Шаќири.