Шекеринска-Џаникли: Ако нема стабилност на Балканот, нема стабилност во Европа
Вицепремиерката и министерка за одбрана Радмила Шекеринска денеска престојува во официјална посета на Турција на покана од турскиот министер за национална одбрана Нуретин Џаникли.
На средбата со Џаникли, министерката Шекеринска истакнала дека Македонија напорно работи за да стане 30-та земја - членка на НАТО и посочила дека Турција е државата која и дава континуирана поддршка.
- Турција е земјата што постојано ги отвораше вратите за Република Македонија за членство во Алијансата. На едно ниво имаме значајна политичка поддршка од Турција, а на друго кое е исто толку важно, е и поддршката во областа на одбранбените реформи и модернизацијата на вооружените сили, истакнала Шекеринска.
Турскиот министер оценил дека балканската стабилност е од големо значење во глобални рамки.
- Ако нема стабилност на Балканот, нема стабилност во Европа, а без европска стабилност, нема стабилност во светот. Балканската стабилност е од големо значење во глобални рамки. Турција ќе продолжи со безрезервната поддршка на Македонија во процесот на реформи во областа на одбраната, нагласил Џаникли.
Тој информирал дека веќе е формирана група за поддршка на реформите во македонската одбрана и оти таа наскоро ќе пристигне во Македонија каде ќе ги оцени потребите и начините како Турција да помогне во реализацијата на одбранбените реформи.
На средбата е нагласен и интересот на македонската Влада за наменската индустрија и е договорена посета на турски тимови во Македонија.
Македонската делегација предводена од министерката Шекеринска го посети и Мавзолејот на Мустафа Кемал Ататурк, неколку турски воено-производни капацитети, како и Потсекретаријатот за одбранбена индустрија.
Посетата на Турција продолжува со средбите со турскиот премиер Бинали Јилдирим и со министерот за надворешни работи Мелут Чавушоглу.
Ново на Сител
-
Тошковски: Да се фокусираме на професионалноста, а не на етничкиот предзнак
-
Фич: Курсот на денарот и банкарскиот сектор остануваат стабилни
-
Кривична пријава за криумчарење мигранти
-
Приведен крадец во тетовско
-
АХВ нареди нови мерки на ЈКП„ Комуналец“ од Струмица
-
Пронајдени над 50 килограми марихуана во Демирхисарско, приведено едно лице
-
Црвениот крст на РСМ ги повикува македонските граѓани да донираат средства за настраданите во БиХ
-
Нормализиран сообраќајот на патот Струмица - Валандово