-->
-->
Шекеринска - Харадинај: Одлична соработката меѓу Македонија и Косово
-->
Македонија и Косово се две пријателски земји, чии односи се базираат на меѓусебно почитување, доверба и отвореност за соработка, заклучија на денешната средба министерката за одбрана Радмила Шекеринска и косовскиот премиер Рамуш Харадинај.
Шекеринска, која престојува во еднодневна официјална посета на Косово, на средбата истакнала дека Македонија цврсто верува оти добрососедските односи се вистинскиот пат кон развиен и просперитетен регион. Посочила дека заедничката седница на двете влади планирана за оваа година ќе ја зајакне и унапреди соработката меѓу Македонија и Косово.
Во рамки на посетата, како што соопшти Министерството за одбрана, Шекеринска во Приштина се сретна со министерот на Косовските безбедносни сили Рустем Бериша со кој констатирале дека билатералната соработка меѓу двете министерства е на највисоко ниво. Соработката, како што се наведува, е особено добра во областа на военото образование и изразија подготвеност таа да продолжи интензивно да се развива и во иднина.
- Македонија останува отворена за школување питомци од Косово на Воената академија, каде што се школуваат и питомци од Црна Гора и Босна и Херцеговина. Тие се идните воени лидери на нашите земји. Ако тие научат добро да соработуваат и ако градат доверба и соработка, нашите држави ќе имаат подобра иднина, истакнала Шекеринска.
Министерката Шекеринска најавила дека припадници на Армијата на Република Македонија ќе бидат дел од регионалната вежба „Орел VI“ која треба да се одржи во мај во Косово.
Како што соопшти Министерството за одбрана, Шекеринска ја истакнала и заинтересираноста за користење на капацитетите на косовскиот Центар за барање и спасување, а ги понудила и капацитетите во Македонија како Регионалниот центар за односи со јавноста, Воено-медицинскиот центар и полигонот „Криволак“.
Министерката за одбрана доцна попладне ќе се сретне и со командантот на КФОР, генерал – мајор Салваторе Куочи.
-->
-->
-->
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп