Шестчасовен прекин на водоснабдување утре во дел од Кичево

ЈКП „Комуналец“ Кичево соопшти дека утре, од 8 до 14 часот, без вода ќе бидат корисниците од населбата „Над железничка станица“ и од улиците „Ужичка Република“ и „Влашки Пат“.

Причина за прекин на водоснабдувањето е отстранување дефект на водоводна цевка.

Од комуналното претпријатие информираа дека во овој дел од градот со реконструкција на улицата „Ужичка Република“ се врши и промена на водоводната мрежа, како на главната улица, така и на помалите улици кои се приклучени на главната водоводна цевка.

Со поставувањето нови ПВЦ пластифицирани цевки, дефектите во водоводната мрежа во градот се мноуг помали и речиси воопшто ги нема.