Шилегов: Ќе се кандидарам за градоначалник на Скопје и ќе победам

Ќе се кандидарам за градоначалник на Скопје и ќе победам, изјави денеска за медиумите првиот човек на градот Петре Шилегов.

После сите шпекулации дека ДУИ и СДСМ на претстојните локални избори ќе настапат со заеднички кандидат за градоначалник кој ќе биде Албанец, Шилегов откри дека тој планира повторно да се кандидира.

Лидерот на ДУИ, Али Ахмети најави изненадувањето за сите кое ќе го соопшти во сабота.

Од ДУИ негираат дека изненадувањето ќе биде соопштувањето на заедничкиот кандидат, а и премиерот Зоран Заев на денешната прес-конференција го потврди истото.