Шилегов: Создадени се услови да се прска против комарци

Веќе се создадени правните услови да се прска против комарци, изјави денеска градоначалникот на Град Скопје, Петре Шилегов.

- Службите во градот во зависност од временската состојба и најавени или ненајавени врнежи ќе ја направат проценката. Ќе можеме во текот на денешниот и утрешниот ден да ги склучиме договорите со избраните набавувачи и конечно да ја завршиме таа постапка, додаде Шилегов, одговарајќи на новинарско прашање по прес-конференцијата за проекцијата на филмот „Avec L'amour“ и концертот „Квин симфони шоу“ во Градскиот парк во Скопје.