Шокантни детали од обдукцијата – Јелена на колена молела да не ја убијат

Обдукцијата утврдила дека на колената на Јелена Марјановиќ (33) забележале неколку изгребаници за кои претпоставуваат дека настанале додека била жива. Една од претпоставките на експертите е дека Јелена клечела додека убиецот ја ударал со тап предмет по главата, што е утврдено и на основа на положбата на раните!

-По се судејќи жртвата го молела убиецот да ја поштеди и да ја остави жива. Како што покажала обдукцијата, најверојатно петтиот удар бил смртоносен. Освен овие удари и едвај забележливите гребаници на нозете, таа нема други повреди, што укажува дека убиецот го познавала и дека се се случило брзо, па не успеала да се брани, а камоли да му избега.

Самиот чин на убиството траел десетина минути, што засега ја побива претходната теорија дека Јелена е убиена на насипот- вели извор близок на истрагата и објаснува:Убиецот не би удирал на сред бел ден на некоја ливада жена по глава толку време. Јелена веројатно е убиена во некоја просторија, бидејќи нејзината крв не е пронајдена на насипот, а од толку удари морало да има и многу крв.