Шпрље: Во Србија се водат истраги за воени злосторства против 43 хрватски државјани
Хрватскиот министер за правда, Анте Шпрље, денеска изјави дека во Србија се водат истраги против 43 хрватски државјани врз основа на законот за универзалната јурисдикција на Србија за воените злосторства на територијата на поранешна Југославија, соопшти агенцијата Хина.
-Тоа што официјално го знаеме е дека на списокот фигурираат 43 лица, рече министерот како одговор на новинарско прашање.
„Колку што знаеме тие се под истрага, но се уште не се обвинети“, додаде тој.
Хрватскиот весник „Вечерњи лист“ во петокот напомена дека во хрватското општество со години наназад се зборува за список со имиња на 300 лица кои се бараат од Србија, а од организациите на ветераните за весникот наведуваат дека знаат за список со имињата на околу 40 ветерани, за кои српското обвинителство покажува интерес.
Хрватската Влада инсистира Србија да го повлече својот закон за јурисдикција врз воените злосторства, извршени на територијата на поранешна Југославија.
Министерот за надворешни работи Миро Ковач неодамна соопшти дека доколку Србија уапси хрватски државјанин под обвинение за воени злосторства, тогаш Хрватска ќе приложи остри контрамерки, а една од нив ќе биде целосно блокирање на сите преговори во процесот на приклучување на Србија кон ЕУ.
Запрашан токму за тоа, хрватскиот министер за правда изјави дека „не може една држава да ги наметнува своите права врз друга. Така ќе се поставиме и на тој начин ќе преговараме со Србија. Се надевам дека Србија ќе ја разбере нашата позиција и дека ќе можеме да се договориме“.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп